Text: Davide Van De Sfroos. Yanez. Dona Lüseerta.

E sara menga il campaniil
a facch un boecc nella crapa del suu
l'arcubaleno el borla mia in tera
se ne necoorg che l'ha sbaglia i culuu
e sara menga sta ringhiera rugin
a ferma ul tor quand vurera scapa
gnanca sto omm cun't el badiil
e la tua mamm che cambia mai scusaa
quanti zanzar in soel camp di bucc
quanti cuveert in soel lecc la nocc
e quanti vool emm cambia tuaja
per un tavol senza invidaa
quanti butegli piee del sang di stell
quanti buceer per lassa in giir l'umbria
quanti paroll in soe un tocch de carta
e in soe la lengua duma un francubull

Riid insema de me dona luseerta
lassa che ogni fulmin el se scuurta
riid insema de me dona luseerta
lassa ogni fenestra a buca verta questa nocc

El pioev soe chi se moev
el pioev soe chi sta fermu
ma taant el tempuraal
ghe l'emm scia in brasc

E sara mea questu specc de aqua
a daat indree la tua facia a sees ann
la matena la g'ha l'oor in buca
ma un cactus in di sacocc
e sara menga questu crucifiss
cun tacaaun Cristo cunt el vinavill
a famm desmett de prega incrusciaa
denaanz a questo cumuden
perche ogni coo faa maa se's sbogia
ma anca quaand te la tiren foe
e quaand el teemp el finiss la benda el taca a dupera'l curlasc
e te seet menga se l'e culpa del cioo
o del martell che l'ha picaa
e la matena la g'ha l'oor in buca
pero i diamanti i a scunduu in del cuu

Riid insema de me dona luseerta
prega che ogni spada sia de carta
riid insema de me dona luseerta
prega sia per l'unda che la barca questa nocc
el veent el diis una roba
la loena na diis un'oltra
ma il coer che ghemm l'e abituaa a nuda
il coer che ghemm l'e abituaa a nuda

E sara menga questa polaroid
cun soe una facia che s'e sculurida
a scancela la mann che m'ha tegnuu in brasc

(Grazie a Marco per questo testo)