Text: Davide Van De Sfroos. Yanez. Long John Xanax.

Ho giugaa i me caart tra i piaant de rusmarin e la rudera
cui pugnatoni nel ventru dela sira
in pee, ma cun l'umbria sempru in genocc
Ho purta in giir el me coeur cume un sedell tutt piee de boeucc
cume se porta in giir un can de nocc
mea per passion ma perche 'l spurca 'l tapee

E una quai volta sun naa a cata i fiuu
per fach piasee a una dona, per fach almenu pena
E una quai volta sun naa a cata i fiuu
per fach dispett a un praa, se lee te varda mena
Ma la Breva la firma i cipress e buffa via la pulver de quell che vurevi vess
perche 'l teemp l'e un cunili che scapa ma l'e anca 'l can che ghe curr adree
E voo innanz a ruzza la mia biglia finche, finche gh'e tera lee la voeu rutula
Cun un plettru e una pastiglia, la mia biglia in sacocia... la portero a ca'

E ho speciaa i marziani con la tuta culurada
i fantasmi in mezz ai praa de l'autostrada
e ho mea capii che quaivedun speciava me
Pussee agitaa de la cua che ho destacaa de una luserta
cunt i oecc saraa e la pata verta
per disegnaa l'amuur perfett in sul sufitt

E una quai volta sun naa a cata i fiuu
per strepagh via i culuu, per di "m'ama non m'ama"
E una quai volta sun naa anca a cata i fiuu
per diruttaa 'l prufoeumm, indue gheva duma merda
Ma la Breva la firma i cipress e buffa via la pulver de quell che vurevi vess
perche 'l teemp l'e un cunili che scapa ma l'e anca 'l can che ghe curr adree
E voo innanz a ruzza la mia biglia perche finche gh'e tera lee la voeu rutula
Cun un plettru e una pastiglia, la mia biglia in sacocia... la portero a ca'

E adess son chi a varda i pass in mezz al praa
inzema ai fiuu che questa volta ho mia strepaa
e nel veent... me piaas vedej bala...

(Grazie a Il Diego per questo testo)