Text: Enzo Avitabile. Quanno Nascette Ninno.

Quanno nascette Ninno a Betlemme,
era notte e pareva miezojuorno...
Maje le stelle,
lustre e belle,
se vedettero accussi...
e 'a cchiu lucente,
jette a chiamma li Magge a ll'Uriente.

de pressa se scetajeno ll'aucielle...
cantanno de na forma tutta nova:
Pe' nsi' 'agrille,
co' li strille,
e zompanno 'a cca e 'a lla:
- E' nato! E' nato! -
- decevano - lo Dio che nce ha criato!

co' tutto ch'era vierno, Ninno bello,
nascettero a migliara rose e sciure...
Pe' nsi' 'o ffieno,
sicco e tuosto,
ca fuje puosto sott'a te,
se 'nfigliulette
e de frunnelle e sciure se vestette...

a no paese che se chiamma Ngadde,
sciurettero le vvigne e ascette ll'uva.
Ninno mio
sapuretiello,
rappusciello d'uva si' tu...
ca, tutt'ammore,
faje doce 'a vocca e po' 'mbriache 'e core!

non c'erano nemice pe' la terra:
La pecora pasceva co' 'o lione
Co''o capretto,
se vedette
'o liupardo pazzea...
Ll'urzo e 'o vetiello
e, co' lo lupo, 'mpace 'o pecoriello.

s'arrevotaje 'nsomma tutt''o munno:
lo cielo, 'a terra, 'o mare e tutt''e ggente...
Chi dormeva,
se senteva
'mpiett''o core pazzea
pe' la prejezza;
E se sonnava pace e contentezza...

guardavano le ppecore, 'e Pasture...
E n'Angelo, sbrennente cchiu d''o sole,
Comparette
e lle decette:
- No ve spaventate, no!
Contento e riso!
la terra e addeventata Paraviso! -

Contento e riso!
la terra e addeventata Paraviso! -


(Grazie a Gaetano D'Angelo per questo testo)